SUSON-SUSON

Ngayon ko lamang natiyak ang katotohanang ang mga kilalang sinaunang (antigong) gusali rito sa Asya ay suson-suson. Mula sa Angkor Wat ng Cambodia, Forbidden City ng China at Borobudur ng Indonesia ay talaga namang patong-patong ang mga paliit nang paliit na mga palapag - isang pagpapatunay sa malakas na pag-igting ng kapangyarihan ng indianisasyon, sa kabila ng mga makakanlurang impluwensiya. Bilang taga-Asya at panatiko ng sining, susubukin kong ipairal din ang ganitong klase ng pag-iisip/paniniwala sa susunod kong proyekto; bilang pagpupugay na rin sa napakaganda at naisasantabing kultura ng silangan.