SI NINA

Para sa mga makabayang makata na naghahanap ng isang proyektong makapagpapakita ng cultural-rootedness at isang paglalarawan ng kabulukan ng "bansa" ngayon, heto ang isang modern-day adaptation ng katauhang inilikha ni Ginoong Pedro Paterno (na si Ninay) - Si Nina. Si Nina ang modernong Ninay, isang babaeng nakapagpapakita ng ideyal na kagandahan at kadalisayan ng pagkatao sa kabila ng lahat ng mga kapangitan sa kanyang tinitirahang lipunan. Bagamat pumapasok siya isa sa mga pinakamahusay na unibersidad sa "bansa" at sa kabila ng yamang pinansiyal, isang aktibista si Ninay at sa gawaing ito niya makikilala si Karl, ang binatang magpapaibig sa kaniya. Makikilala rin niya si Fred, isang konyo na makikipag-agawan kay Karl para sa kanyang pagmamahal. Sa pag-usad ng kuwento, makikilala rin si Biboy, isang middle-class na estudyante na miyembro ng isang frat na siyang umiibig kay Elle, isang Tsinoy. Sa pagtatapos ng kuwento, susulpot din ang isang nakabibighaning banyagang estudyante na siyang makikilala ni Karl - si Kate. Ang lahat ng mga katauhang ito at ang kanilang kuwento ay mapagaalamanan natin sa pamamagitan ng mga kuwento sa EDSA N - ang pinakamalaki at pinakamakabuluhang uri ng karnabal sa "bansang" Pilipinas.

PS:
Bagamat si Juday ang pinakaangkop na artistang maaaring gumanap kay Nina, mukhang hindi na ata angkop ang kanyang edad upang gampanan ang isang dalagang labing-walong taong gulang. Bilang personal na opinyon, mas gugustuhin kong isang morena ang gaganap sa katauhang ito.