FASCINATION

Unang Eksena

Dramatikong Pagtatagpo: Sa loob ng klasrum. Kakatapos lamang ng klase. Ang guro ay nagaayos ng gamit habang ang estudyante ay napadaan.

Kram: Noong isang taon ko pa lang po napanood yun.

Professor Familiar: Ang tagal na noong huli kong napanood yan. Mga 20 years ago na ata.

Kram: Gusto niyo pong hiramin?

(Sabay alok ng kanang kamay na siyang may hawak ng dibidi. Ngunit tatanggihan ito ng propesor)

Professor Familiar: Gusto kong hiramin pero di ngayon. Sino bang may-ari nyan?

Kram: Ako po.

Professor Familiar: Kapag maluwag na ako, hihiramin ko sa iyo yan.

(Tatango ang estudyante habang papalakad patungo sa pinto ang propesor. Bigla itong mapapalingon sa estudyante.)

Professor Familiar: Bat meron ka nyan?

Kram: Wala lang po. Mahilig po ako sa mga ganito.

(Binubuksan ng propesor ang pinto)

Professor Familiar: Ah… Mahilig ka sa pelikula.

(Sabay talikod at alis ng propesor)

Ikalawang Eksena

Dramatikong Pagtatagpo: Sa loob ng isang tindahan sa mall. Nagbabayad ang binata sa kahera. Mapapansin ang mag-asawang naroon din sa tabi. Nilapag ang dibidi.

Mr. Stranger: Wow… A Clockwork Orange. That’s one of (pangalan)’s 100 greatest films of all time. Napanood mo na yan?

(Nakatingin ang mister sa misis nito)

Mrs. Stranger: Ayoko ng mga ganyan.

Mr. Stranger: Stanley Kubrick film yan!

Mrs. Stranger: Ayoko ng mga ganyan. Masyadong weird.

(Napatingin ang binata sa mister at nakangiti. Titingin din ang mister)

Mr. Stranger: Pasensya ka na sa asawa ko ha.

Kram: Okay lang po.

(Magtatawanan ng kaunti)

Mr. Stranger: Hahaha!

(Nakangiti ang binata habang kinuha ang sukli sabay alis)